Prepare pou Tan Ivè
Rete Ansekirite Pandan
Dèlko (Jeneratè)- Sekirite
Kontni ki gen rapò
Tanpèt ivè kreye yon risk ki pi elve pou aksidan veyikil, ipotèmi, fredi, pwazon monoksid kabòn, ak kriz kadyak akoz twòp efò. Tanpèt ivè gen ladann tanpèt ki kapab pote fredi ekstrèm, lapli nèj, nèj, glas ak gwo van.
Yon tanpèt ivè ka:
Dire kèk èdtan oswa plizyè jou.
Koupe chofaj, elektrisite ak sèvis kominikasyon.
Mete granmoun, timoun, moun malad ak bèt kay nan pi gwo risk.
Kijan pou Pwoteje Tèt ou kont Move tan Ivè
SI OU ANBA YON AVÈTISMAN TANPÈT IVÈ, JWENN YON ABRI IMEDYATMAN
Konnen kondisyon meteyolojik ivè ou:
Avètisman Tanpèt Ivè
Pibliye lè move tan danjere sou fòm gwo nèj, lapli glase, oswa gwo nèj iminan oswa ki rive. Avètisman Tanpèt Ivè pibliye jeneralman 12 a 24 èdtan anvan evènman an prevwa pou l kòmanse.
Siveyans Tanpèt Ivè
Avèti piblik la sou posiblite yon tanpèt nèj, gwo nèj, lapli konjele, oswa gwo nèj. Yo pibliye siveyans tanpèt ivè 12 a 48 èdtan anvan kòmansman yon Tanpèt Ivè.
Konsèy sou Move Tan Ivè
Pibliye pou akimilasyon nèj, lapli konjle, farinaj glas, ak grezil sa ki pral lakoz gwo deranjman e, si ou pa pran prekosyon, li kapab Mennen nan sitiyasyon kap menase lavi.
Konnen Risk ou pou Tanpèt Ivè
Fè atansyon sou rapò meteyolojik ak avètisman sou move tan konjele ak tanpèt ivè. Koute enfòmasyon ak avètisman pou ijans. Enskri nan sistèm avètisman kominote ou an. Sistèm Avètisman Ijans (EAS) ak Administrasyon Nasyonal Atmosferik ak Oseyanik [National Oceanic and Atmospheric Administration (NOAA) Radyo Meteyolojik [Weather Radio] bay avètisman ijans tou.
Prepare pou Tanperati Ivè
Prepare kay ou pou kontwole fredi a avèk ensilasyon,sele fant yo ak revètman pou fredi. Aprann kijan pou kenbe tiyo yo pou yo pa konjle. Enstale ak teste alam lafimen ak detektè monoksid kabòn avèk batri sekou. Rasanble pwovizyon sizoka ou ta bezwen pou rete lakay ou pandan plizyè jan san kouran. Kenbe nan lespri w bezwen spesifik chak moun, enkli medikaman. Sonje bezwen bèt kay ou yo. Kenbe batri siplemantè pou radio ak flach. Si ou pa ka peye pou depans chofaj ou, klimatizasyon oswa reparasyon ki gen rapò avèk enèji, kontakte Pwogram Asistans Enèji pou moun ki gen revni fèb [Low Income Home Energy Assistance Program (LIHEAP)] pou w jwenn èd.
Nan Ka yon Ijans
Prepare pou move tan ivè lakay ou, nan travay ak nan veyikil ou. Kreye yon twous ijans pou veyikil ou. Enkli kab demaraj, sab, yon flach, rad cho, kouvreli, boutèy dlo ak ti goute ki pa p gate. Kenbe yon rezèvwa plen gaz.
Rete Ansekirite pandan Tan Ivè
Evite anpwazonman monoksid kabòn. Itilize sèlman dèlko ak griy deyò ak lwen fenèt yo. Pa janm chofe kay ou avèk yon fou a gaz oswa recho.
- Nan mezi kote sa posib, evite wout yo. Si ou bloke nan veyikil ou, rete andedan.
- Limite tan ou pase deyò. Si ou bezwen ale deyò, mete rad ki cho. Siveye pou siy fredi ak ipotèmi nan kò w.
- Redwi risk kriz kadyak lè ou evite anpil efò lè wap pele nèj ak mache nan nèj la.
Aprann siy, ak tretman debaz pou fredi ak ipotèmi.
Fredi koze pèt sansasyon ak koulè bò kote figi, dwèt ak zòtèy.
- Siy: Angoudisman, po blan oswa gri-jòn, po fèm oswa sire -.
- Aksyon: Ale nan yon chanm ki cho. Tranpe dlo tyèd. Itilize chalè kò a pou chofe. Pa fè masaj oswa itlize yon tanpon chofan.
Ipotèmi se yon tanperati kò ki pa nòmal. Yon tanperati ki anba 95 degre se yon ijans.
- Siy: Tranbleman, fatig, konfizyon, fwote men yo, pèdi memwa, pwoblèm lapawòl oswa somnolans.
- Aksyon: Ale nan yon chanm ki cho. Chofe sant kò a anpremye—pwatrin, kou, tèt ak lenn. Kenbe sèk epi vlope nan kouvreli cho, enkli tèt ak kou.
Dèlko (Jeneratè)- Sekirite
Jeneratè yo ka itil lè pa gen kouran. Li enpòtan pou konnen kijan pou itilize yo san danje pou anpeche anpwazònman ak monoksid kabòn (CO) ak lòt danje.
- Yo ta dwe toujou itilize dèlko ak gaz deyò epi omwen 20 pye distans ak fenèt, pòt ak garaj ki atache.
- Enstale detektè monoksid kabòn ki fonksyone nan chak nivo lakay ou. Monoksid kabòn se yon gaz san koulè, san odè ki ka touye ou, fanmi ou ak bèt kay.
- Kenbe dèlko a sèk epi pwoteje li kont lapli oswa inondasyon. Manyen yon dèlko mouye oswa aparèy ki konekte ak youn ka lakòz chòk elektrik.
- Toujou konekte dèlko a ak aparèy ki gen kòd ekstansyon ki solid.
- Kite dèlko a frèt anvan ou remete gaz ladan l. Gaz ki tonbe sou pati motè cho yo ka pran dife.
- Swiv enstriksyon manifakti a ak anpil atansyon.