Mo pou Konnen
Eksè mwen nan Risk?
Kisa Mwen Kapab Fè?
Aprann Plis
Inondasyon se lè anpil dlo debòde sou yon teren ki nòmalman sèk. Li se evènman ki pi komen nan move tan natirèl. Inondasyon ka rive pandan gwo lapli, lè rivyè debòde, lè vag oseyan yo rive sou rivaj la, lè nèj fonn twò vit, oswa lè baraj oswa dig kraze. Inondasyon gendwa sèlman kèk pous nan dlo, oswa li ka kouvri yon kay jis nan twati. Inondasyon ki rive trè vit yo rele inondasyon flash. Inondasyon ka lakòz pann kouran, deranje transpò, domaje bilding yo, epi kreye glisman tè.
Mo pou Konnen
Nouvèl Inondasyon Flash - Yon inondasyon ki ka rive nan kèk minit oswa èdtan nan gwo lapli, fayit baraj/dig, oswa drenaj ki debòde..
Siveyans Inondasyon- Yon mesaj ki anonse li posib pou gen inondasyon.
Avètisman Inondasyon - Yon mesaj ki di inondasyon pral rive talè (si li pa rive deja).
Dig/Baraj - Yon estrikti pou kenbe oswa anpeche dlo debòde ak inonde yon zòn.
Èske mwen an Danje?
Inondasyon ka rive nan chak eta ak teritwa ameriken. Gen kèk inondasyon ki devlope tou dousman, epi kèk ka rive nan kèk minit sèlman. Moun ki abite nan zòn ki ba yo (tou pre sous dlo oswa nan nivo lanmè) menm gen plis risk. Tanpèt ak siklòn ka lakòz inondasyon. Nèj k ap fonn nan mòn yo ka lakòz inondasyon tou.
Kisa Ou Kapab Fè?
Anvan
- Prepare yon plan. Lè w gen yon plan sou sa ou menm ak fanmi ou pral fè nan ka yon ijans, sa pral ede.
- Travay ak paran w pou konstwi yon emergency kit ak atik w ap bezwen si w oblije evakye byen vit.
- Fè yon plan kominikasyon fanmi.
- Fè yon adilt konnen si w tande yon avètisman inondasyon nan televizyon oswa nan radyo.
- Ede fanmi w deplase atik enpòtan pou mete yo nan yon etaj anwo.
Pandan
- Prete atansyon ak otorite ak ofisyèl sekirite yo. Si gen nenpòt posiblite pou yon inondasyon sanzatann, deplase nan tè ki pi wo oswa chèche jwenn abri.
- Pa mache, naje, kondi oswa monte nan yon machin nan dlo inondasyon. Menm sis pous kouran dlo ka fè w pèdi pye ou.
- Rete lwen pon ki sou kouran dlo ki rapid. Kouran dlo ki fò ka deplase kraze yon pon yo san avètisman.
Apre
- Pa manyen ekipman elektrik si li mouye oswa si w kanpe nan dlo.
- Rete lwen dlo inondasyon. Dlo inondasyon ka kontamine, sa vle di ki gen sibstans danjere.
- Rete lwen kouran dlo k ap deplase. Li ka frape ou atè.
- Rete lwen travayè ijans yo pou yo ka fè travay yo fasil.
- Konnen ke li nòmal pou w santi w anksye oswa estrese. Tout moun reyaji yon fason diferan nan sitiyasyon estrès. Pran swen kò w epi pale ak paran w oswa lòt adilt ou fè konfyans si w santi w eksite.
Aprann Plis
Èske w te konnen?
Inondasyon ka detwi pasaj pyeton, wout, ak jaden, sa ki fè yo enposib detekte anba dlo inondasyon. Pa mache oswa monte nan yon machin nan dlo. Li ta ka pi fon pase ou panse! Yon pye dlo ka bale yon machin nan wout la. Rete lwen dlo k ap deplase!